ខេត្តកំពង់ស្ពឺជាខេត្តមួយក្នុងចំណោមខេត្តរាជធានីចំនួន២៤របស់
ព្រះរាជាណាចក្រកម្ពុជានោះ
កំពង់ស្ពឺត្រូវបានគេចាត់ទុកថាមាន
សក្តានុពលយ៉ាងប្រសើរលើការទាក់ទាញភ្ញៀវទេសចរដោយសារ
ទឹកដីនៃខេត្តតំបន់ខ្ពង់រាបមួយ
នេះមានរមណីយដ្ឋានបែបធម្មជាតិ
យ៉ាងស្រស់ត្រកាលជាច្រើនកន្លែងដែលភាគច្រើន
ស្ថិតនៅក្នុងទឹកដី
នៃស្រុកដែលសំបូរព្រៃឈើគឺស្រុកឳរាល់និងស្រុក
ភ្នំស្រួច។ផ្អែកតាម
ការអោយដឹងពីមន្ត្រីនៃមន្ទីរទេសចរណ៍ខេត្តកំពង់ស្ពឺ
បានឲ្យ ដឹងថា
បច្ចុប្បន្ននេះតំបន់ទេសចរណ៍ធម្មជាតិរបស់ទឹកដី
នៃខេត្តកំពង់ស្ពឺដែល
កំពុងមានការទាក់ទាញភ្ញៀវទេសចរច្រើនជាងគេមានដូចជា:
- រមណីយដ្ឋានឧទ្យានជាតិព្រះសុរាម្រិតកុសមៈ(ភ្នំគិរីរម្យ) :
តំបន់ទេសចរណ៍មួយនេះមានទីតាំងស្ថិតនៅក្នុងទឹកដីភូមិដំរីផុង
ឃុំគិរីរម្យស្រុកភ្នំស្រួចមានចម្ងាយប្រមាណ១១៧គ.ម
ពីរាជធានីភ្នំពេញ ។ទីនេះជារមណីយដ្ឋានបែបធម្មជាតិមានខ្យល់អាកាសល្អបរិសុទ្ធគ្របដណ្តប់ដោយដើមឈើតូចធំជាច្រើន ជាពិសេសនោះគឺដើមស្រល់
និងមានទីកន្លែងទឹកធ្លាក់សំរាប់អោយ
ភ្ញៀវទេសចរទូទៅងូតលេងបានយ៉ាងសប្បាយរីករាយ ។
នៅក្បែរជើងភ្នំគិរីរម្យក៏មានរមណីយដ្ឋានកែច្នៃមួយដែលត្រូវបាន
រៀបចំឡើងសំរាប់អ្នកទេសចរទូទៅ
សំរាកលំហែកំសាន្តដោយមានទាំងភោជនីយដ្ឋានសណ្ឋាគារ សួនសត្វ
ផ្សារទំនើប កន្លែងក្មេងលេង សួនច្បារ
រូបចំលាក់ដាយណូស័រទីលានលេងកីឡា និងកន្លែងជិះតាមខ្សែកាប
ជាដើមផងដែរ។
- រមណីយដ្ឋានទឹកធ្លាក់ចំបក់
ទីនេះជាតំបន់រមណីយដ្ឋានបែបធម្មជាតិដែលមានទេសភាពយ៉ាងស្រស់ត្រកាលជាមួយនឹងទឹកធ្លាក់ដ៏ត្រជាក់ ស្រេប ។
បច្ចុប្បន្នតំបន់ទេសចរណ៍មួយនេះត្រូវបានរៀបចំអភិវឌ្ឍឡើងយ៉ាង
ប្រសើរដើម្បីឲ្យកាន់តែមានការ ទាក់ទាញភ្ញៀវទេសចរទ្វេរឡើងថែមទៀត
។ ទឹកធ្លាក់ចំបក់មានទីតាំងស្ថិតនៅមិនឆ្ងាយប៉ុន្មានពីតំបន់ទីរមណីយដ្ឋានភ្នំគិរីរម្យនោះទេ។
- រមណីយដ្ឋានល្អាងភ្នំចាស់
រមណីយដ្ឋានល្អាងភ្នំចាស់ស្ថិតនៅក្នុងទឹកដីស្រុក
ឱរ៉ាល់ជារមណីយដ្ឋានប្រវត្តិសាស្ត្រដែលគេទើប
នឹងរកឃើញកាលពីពេលថ្មីៗកន្លងមកនេះ ។នៅទីនេះសម្បូរទៅដោយល្អាងភ្នំធំៗជាពិសេសអ្នកទៅកម្សាន្តនៅទីនោះនឹងបានទស្សនារបាំនិងស្គាល់ពីទំនៀមទម្លាប់របស់ជនជាតិភាគតិច
ដែលនៅទី នោះគឺជនជាតិកួយ ។
- រមណីយដ្ឋានវប្បធម៌ធម្មជាតិភ្នំព្រះ
ភ្នំព្រះជាកន្លែងប្រមូលផ្តុំប្រជាពលរដ្ឋនៅទីជិតឆ្ងាយឲ្យមកគោរព
បូជាបន់ ស្រន់តាមជំនឿរបស់ពួកគាត់
ព្រោះទីនោះមានភាពអច្ឆរិយខ្លាំងណាស់ខាងជំនឿ ។
នៅរដូវបន់ស្រន់ចូលមកដល់ប្រជាពលរដ្ឋទូទៅនាំគ្នាសម្រុកមកទីនោះ
រាប់ពាន់នាក់ ដើម្បីធ្វើបុណ្យទានតាមចំណង់ចំណូលចិត្តរបស់ពួកគាត់
។ ទីនេះជាកន្លែងបួងសួងពូកែស័ក្តិសិទ្ធិណាស់ ។
នៅតាមជើងភ្នំព្រះមានសំណង់បែបសាសនាផ្សេងៗពីគ្នា
ដែលភាគច្រើនបានសង់ព័ទ្ធនៅជុំវិញភ្នំព្រះ ។
ភ្នំព្រះមានរូងភ្នំនិងល្អាងភ្នំជាច្រើនមានលក្ខណៈធម្មជាតិពិតៗ
។
ល្អាងភ្នំនិងរូងភ្នំខ្លះត្រូវបានគេរៀបចំជាកន្លែងគោរពសក្ការៈ
។
រមណីយដ្ឋានវប្បធម៌ទេសចរណ៍ភ្នំព្រះមានផ្ទៃដី១០០ហិកតាស្ថិតនៅ
ក្នុងស្រុក ឱរ៉ាល់មានចម្ងាយជាង៥០គីឡូម៉ែត្រ
ពីទីរួមខេត្តកំពង់ស្ពឺ ។
- រមណីយដ្ឋានទេទឹកពុះ
ទីនេះមានទីតាំងនៅក្នុងភូមិភ្នំទេ ឃុំសង្កែសាបទ
ស្រុកឱរ៉ាល់មានចម្ងាយ៦០គីឡូម៉ែត្រែពីទីរួមខេត្តកំពង់ស្ពឺ
បត់ស្តាំពីផ្លូវជាតិលេខ៤ ឆ្ពោះទៅស្រុកឱរ៉ាល់ ។
តំបន់នេះស្ថិតនៅក្នុងវាលស្មៅទល់មុខភ្នំទេ
ដែលមានទឹកហូរចេញពីក្នុងដីខួបប្រាំងខួបវស្សា
ហើយមានសីតុណ្ហភាព៧០អង្សាសេចេញផ្សែងហុយៗ ។
នៅរដូវវស្សាផ្ទៃទឹកក្តៅមានទំហំតូច
និងរដូវប្រាំងទឹកក្តៅមានទំហំធំព្រោះទឹកតិច ។
តំបន់នេះមានលក្ខណៈ
ធម្មជាតិសុទ្ធសាធនិងមានតែមួយគត់នៅប្រទេសកម្ពុជាយើង ។ ផ្ទៃ
ទឹកនៅទេទឹកពុះ មានទំហំ៥ហិកតា
ដែលដុះព័ទ្ធជុំវិញទៅដោយស្មៅនិងភក់លាយជាមួយដុំថ្មពណ៌ក្រហម ។
ទេទឹកពុះមានផ្ទៃទឹកសុទ្ធ៨០ ម៉ែត្រការ៉េ
ដែលមានទឹកផុសចេញពីក្នុងដី ៦កន្លែងមានក្លិនដូចស្ពាន់ធ័រ
ឬថ្មកំបោរ ។
ប្រជាពលរដ្ឋរស់នៅទីនេះគឺជនជាតិកួយគេហៅតំបន់នេះថាបឹងទេ ។
ពួកគេមានជំនឿថា
ទឹកបឹងទេនេះអាចយកទៅព្យាបាលជំងឺគ្រប់ប្រភេទនិងលុបលាងមុខ
លើករាសី (តាមការរៀប ចំនិងជំនឿរបស់ជនជាតិកួយ) ៕
Featured Posts
Friday, December 20, 2013
Tuesday, December 17, 2013
កម្ពុជាមាតុភូមិខ្ញុំ
នៅក្នុងប្រទេសកម្ពុជាយើងពីមួយថ្ងៃទៅមួយថ្ងៃមានភ្ញៀវ
ទេសចណ៍មកទស្សនានៅតាមប្រាសាទរមណីយដ្ឋាននានា
ជារៀងរាល់ថ្ងៃ ដែលអាចឲ្យប្រជាពលរដ្ឋនៅបណ្ដាលខេត្ត
មួយចំនួនអាចរកប្រាក់ចំណូលដើម្បីផ្គត់ផ្គង់ជីវភាពគ្រួសារ
និងមានលទ្ធិភាពអាចឲ្យកូនៗរបស់ខ្លួនបានរៀនសូត្រ។
ហេតុនេះយើងគួរតែមានមោទនភាព ដែលបានកើតជាខ្មែរ!
ចំណែកនាងខ្ញុំមានមោទនភាពណាស់ដែលកើតជាខ្មែរ
ហើយនាងខ្ញុំមានកំនាព្យមួយបទផ្ញើជូនកូនខ្មែរគ្រប់រូប
កំនាព្យនោះមានចំណងជើងថា"មោទនភាពជាតិខ្មែរ"
កំនាព្យនេះមានខ្លឹមសារដូចខាងក្រោម៖
ខ្មែរយើងសំបូរគ្រប់បែបយ៉ាង ជាភ័ព្វសំណាងយើងគ្រប់គ្នា
ដែលកើតជាខ្មែរគ្រប់អង្គា ប្រទេសនានាកោតសរសើរ។
ខ្មែរយើងសំបូរច្រើនពេកពន់ ក្នុងដីមានធនរ៉ែប្រសើរ
ក្នុងទឹកមានត្រីច្រើនអន្លើ សម្បត្តិព្រៃឈើច្រើនអស្ចារ្យ។
រីឯប្រាសាទក៏ប្រពៃ គឺជាស្នាដៃពីដូនតា
ជញ្ជាំងមានក្បូរក្បាច់រចនា ជារូបអប្សរាដ៏ថ្លាថ្លៃ។
ពលរដ្ឋសប្បាយរាល់កាយា ទេសចរណ៍ទស្សនារាល់យប់ថ្ងៃ
លក់ដូរយកប្រាក់បានកម្រៃ ជីវភាពថ្លាថ្លៃដោយប្រាសាទ។
ឃើញទេកម្ពុជាល្អណាស់ គួរកុំក្រឡាស់ឲ្យហ្មងសៅ
ខិតខំរក្សាឲ្យល្អទៅ ដើម្បីកូនចៅជំនាន់ក្រោយ។
ប្រាសាទនៅកម្ពុជា
នៅប្រទេសកម្ពុជាយើង នៅគ្រប់ខេត្តក្រុងទាំងអស់
សុទ្ធតែមានប្រាសាទនិងរមណីយដ្ឋានធម្មជាតិជាច្រើន
ដែលជាសម្បត្តិដ៏មានតម្លៃរបស់ខ្មែរ។ហេតុនេះយើង
ទាំងអស់គ្នាមានមោទនភាពណាស់ដែលកើតជាខ្មែរ!
Subscribe to:
Posts (Atom)